కేంద్ర హోం మంత్రి అమిత్ షా తన బీహార్ పర్యటనలో రాహుల్ గాంధీపై తీవ్ర విమర్శలు గుప్పించారు. ఓటర్ల జాబితాల్లో పేర్లు తొలగించడంపై చేసిన ఆరోపణల్లో ఎటువంటి నిజం లేదన్నారు.
రాహుల్ గాంధీ అనవసరమైన ఆరోపణలు చేస్తున్నారని పేర్కొన్నారు. అవన్నీ కేవలం రాజకీయ ప్రయోజనాలకోసం మాత్రమేనని అన్నారు .
ఓటర్ల జాబితాను శుద్ధి చేసే కార్యక్రమాన్ని ఎన్నికల సంఘం చేపట్టిందని, ఇది మొదటిసారి కాదని ఆయన స్పష్టం చేశారు.
అసలు కాంగ్రెస్ పార్టీ ఓటమికి సాకులు వెతుక్కుంటోందని ఆరోపించారు. బాలీవుడ్ పర్యటనలలో, విదేశాల్లో దేశాన్ని తక్కువగా మాట్లాడటంలో, దేశ విభజన శక్తులకు మద్దతివ్వడంలో రాహుల్ గాంధీ ముందుండిపోతున్నారని మండిపడారు. రిజర్వేషన్ల విషయంలో రాహుల్ వ్యాఖ్యలను తప్పుబట్టారు. భారతీయ జనతా పార్టీ అధికారంలో ఉన్న వరకు రిజర్వేషన్లకు ఎలాంటి ముప్పు ఉంటుందని ఎవరూ భావించకండని స్పష్టం చేశారు.
